Alipoota y’Akakiiko akalafuubanira Obwenkanya ka Equal Opportunities commission nate kazudde nti waliwo obutali Obwenkanya mu ngabanya y’Ensimbi eziweebwa district ezisingamu abantu abangi, ekizingamizza obuweereza eri abantu.
Alipoota eno eraze nti district ye Wakiso yesingamu abantu abangi mu Uganda eweza Obukadde 3,397,565, efuna Obuwumbi bw’ensimbi 109 n’Obukadde 876.
District ye Kasese Erina abantu Emitwaalo 847,027 yeddirira Wakiso n’Obuwumbi 96 n’Obukadde 495.
District ye Wakiso esinza district ye Kasese Abantu Obukadde 2 n’emitwaalo 55, kyokka ng’enjawulo mu nsimbi eziweebwa Wakiso ku kaseera kano ya Buwumbi 13 bwokka.
Alipoota eraze nti district ye Luweero ekwata kyakusatu mu nsimbi government yawakati zeewa district, erina abantu Emitwaalo 614,230 efuna Obuwumbi bwa shs 90 n’Obukadde 996.
District ye Ntungamo Erina abantu Emitwaalo 553,197 efuna Obuwumbi 76 n’Obukadde 735.
Isingiro district ku Bantu 633,844 efuna Obuwumbi 69 n’Obukadde 320, ate district ye Yumbe ku Bantu 972351 efuna Obuwumbi 60 n’Obukadde 318.
Alipoota eraze nti district ye Rukungiri Erina abantu Emitwaalo 375,974 efuna Obuwumbi 60 n’Obukadde 294, Kisoro ey’Abantu Emitwaalo 431,175 neefuna Obuwumbi 57 n’Obukadde 274.
District ye Kalungu erimu abantu Emitwaalo 309,735 efuna Obuwumbi 57 , Ssonga Mbaale ey’Abantu Emitwaalo 289774 efuna Obuwumbi 56 n’Obukadde 722.
Alipoota eno mungeri eyenjawulo ezudde nti wadde government yatondawo ebibuga 9 ne municipal Councils 31, ebintu bannansi byebaali basuubira omuli Omusolo, enguudo ennungi, embunyisa y’Amasannyalaze ,Okutumbuka kw’ebyobulamu nempeereza endala bikyalemye.
Ssenkulu w’Akakiiko k’Obwenkanya Hajjat Safia Nalule Jjuuko asabye government eyongere district ye Wakiso ensimbi ezeegasa kuba yesingamu abantu abangi, nga kino kitegeeza n’Obuweereza eri abantu abawangaaliramu bulina kuba bwa nnamaddala.
Bisakiddwa: Kato Denis
