Police e Sembabule eri ku muyiggo gw’ abavubuka babiri abagambibwa okuba nga baliko kyebamanyi ku nfa y’omwana ow’emyezi 6 eyaffiiridde mubidongo.
Kigambibwa nti maama w’omwana nga ye Dalia Nansubuga yabadde agenzeeko mu bidongo mu kifo ekimu ekisanyukirwamu ekyabadde kiggulwawo e Ntete Ssembabule, ku ssaawa nga mukaaga ogw’ekiro kwekubaako gyalaga, omwana we namulekera omuvubuka omu eyabadde mu bidongo ategeerekeseeko erinnya limu erya Ttongire.
Kigambibwa nti Tongire bweyalabye nnyina w’omwana tadda eyo mu matumbi budde kwekumulekera omuvubuka omulala ayitibwa Yovaani Katongole wa myaka nga 25, agire ng’amukuuma okutuusa nnyina lwanadda.
Katongole yalabye nnyina w’omwana tadda kwekugenda naye ewuwe.
Wabula ng’obudde bukedde, Dalia Nansubuga akomyewo bukya nebamubuulira omuvubuka eyagenze n’omwana, wabula agenze okutuuka ewuwe mu Ntete Trading Centre, bagenze okukebera omwana nga yafudde.
Kigambibwa nti nnyina w’omwana adduse gyambwa okugenda ayite police, wabula esaanze Yovaani adduse nga n’omulambo gw’omwana alese agusudde ku kkubo.
Abatuuze nga bakulembeddwamu Emmanuel Kasekende bategeezezza nti Ttongire myaka nga 35 omutuuze wa Ntete West ne Yovaani Katongole bombi tebalabikako.#
Bisakiddwa: Jimmy Ssekabiito
