Abasomesa n’abayizi ku ssomero lya St Aloysious Musuubiro primary school mu district ye Lwengo, bakaluubiriziddwa olw’obutaba na kabuyonjo ku ssomero ekikosezza ensoma y’abayizi.
Nakaayi Mary omukulu w’essomero asabye abazira kisa okubadduukirira babazimbire kabuyonjo, nti kubanga eviiriddeko n’abayizi okusoma nga boosaayosa.
Agamba nti n’ababeera bazze ku ssomero bakaluubirirwa olw’okwekuniza n’okusimba ennyiriri okukozesa akazigo akamu akaliwo akaali ak’abasomesa ate nga nako kasuliridde okugwayo ekiteeka obulamu bw’abayizi mu matigga.
Nakaayi ategese olukungaana n’ayita abakulembeze ba district ye Lwengo babakwasizeeko wabula kansala omu yekka yalabiseeko.
Kansala Bukuhani Sserunjogi Baguma amyuka spiika w’egombolola ye Lwengo asabye abakulembeze bayambe ku ssomero lino erisuliridde okufuuka ekifulukwa ng’abayizi balidduse.
Kabuyonjo y’essomero lino ebaddewo yaggwamu gyebuvuddeko, ng’eno yali yazimbibwa mu 2001 nga Lwengo yali ekyatwaliba district ye Masaka
Bisakiddwa: Mike Zzizinga.