Akakiiko ka parliament akavunaanyizibwa kukusunsula abantu ababa balondeddwa omukulembezze w’e ggwanga, kasunsudde kaliisoliiso wa government omuggya Omulamuzi Aisha Naluzze Batala, wamu n’abamyuka be.
Omulamuzi Naluzze wamu n’abamumyuuka okuli Patrisha Twinomugisha ne Dr Patricia Achan bagasimbaganye n’akakiiko kano, akabadde bakubirizibwa omumyuka wa sipiika Thomas Tayebwa, nekabasoya ebibuuzo.
Wabula bannamawulire tebakkiriziddwayo.
Okusinzira ku alipoota ya wofiisi ya kaliisoliiso ey’omwaka gwa 2024, ensimbi Trillions 9 n’omusobyo ez’omuwi w’omusolo zezabbibwa mu bulyake n’enguzi.
Omulamuzi Naluzze bw’abadde yakasunsulwa ategezezza nti Ssi wakuttira ku liiso muntu yenna anaasangibwa ngayenyigidde mu kubulankanya ensimbi za government.
Omulamuzi Aisha Naluzze Batala yeyazze mu bigere bya Betty Olive Namisango Kamya, oluvanyuma lwekisanja kye eky’emyaka 4 omukulembeze w’eggwanga obutakizza buggya.obutaddizibwa buggya.
Bisakiddwa: Nabagereka Edithie
