Police erwaanyisa ekibba Nsolo mu bendobendo lya Karamoja eya Anti –Stock Unit eriko Emmundu 2 zeenunudde okuva ku balwaanyi Abakaracuna, abeefudde mukoko mu kunyagulula ente nÓkutuusa Obulabe ku Bakaramoja Abalunzi.
Emmundu zino zaanunuddwa police bweyakolaganye nÉggye lya UPDF, era okukkakkana ng’abalwaanyi 11 bakwatiddwa nebaggalirwa, nga balindiridde kutwalibwa mu mbuga zÁmateeka.
Ayogerera police mu ggwanga Kituuma Rusoke, ategeezezza bannamawulire mu nsisinkano yaabwe ku kitebe kya poliisi ekikulu e Naggulu, nti mu bikwekweto bino Ente nÉmbuzi ezisukka mu 100 zezaanunuddwa.
Waliwo Ebidomola bya Waragi 455 biboyeddwa,nga bino bibadde bikukusibwa okugenda ku butale obwenjawulo mu bumenyi bwÁmateeka.
Mu mbeera yeemu police e Kisoro eggalidde abasajj 2 babiri Gerald Irankunda ne Habyarimaana Valence ababeera ku byaalo Karumena ne Kisoro Hill,nga ebalanga kwekobaana nebenyigira mu bikolwa ebyÓkubbisa emmundu.
Habyarimaana Valence nga munnansi wa Rwanda , kigambibwa nti abadde akolagana ne munne nebajojobya ebitundu bye Kisoro, era nga babadde babayigga nga bavunaanibwa okutoloka mu kaduukulu ka police.
Bisakiddwa: Kato Denis
