Empaka za masomero ga senior ne primary ez’obwakabaka bwa Buganda season ya 2024 zitandise ku ssomero lya Kawanda SS, ng’a amasomero gagenda kuvuganya mu mizannyo egyenjawulo.
Empaka zino ziguddwawo minister w’ebyemizannyo abavubuka n’ebitone mu Bwakabaka Owek Ssalongo Robert Sserwanga, n’omulanga eri abakulira amasomero okuwa abayizi omukisa okwetaba mu byemizannyo.
Agambye nti ebyemizannyo lyafuuka kkubo ddene ddala erikulakulanya abavubuka.
Mu mupiira ogw’ebigere, abategesi aba Kawanda SS bagudde maliri ne Janan Schools 0-0, mu kubaka Kawanda SS ekubye St Matia Mulumba obugoba 29-08.
Ku mutendera gwa primary, Kampala Grammar Junior School ekubye Muteesa 1 Junior School Zirobwe goolo 1-0 mu mupiira ogw’ebigere ogw’abalenzi.
Bisakiddwa: Isah Kimbugwe