Obuuma emitwalo Mukaaga kw`obwo emitwalo Kumi mu kenda ( 109,000) obugenda okweyambisibwa mu kulonda kw`omwaka ogujja 2026, butuusiiddwa mu Uganda mukiro ekikeseza olwaleero nga 28 October,2029.
Obuuma buno ( biometric Voters’ verification kits) bukoleddwa Kkampuni ya Simi-Valley, era ng`ennyonyi ya kampuni yebwereetedde.
Ssentebbe w’akakiiko keby`okulonda mu ggwanga omulamuzi Simon Mugenyi Byabakama bwabadde ayogerako nebannamawulire oluvannyuma lw`okukwasibwa obuuma buno, ategeezezza nti obuuma buno buli Ku Mutindo gwa nsi yonna.
Agambye nti omwezi gwa November wegunaggwerako ng’obuuma obusigaddeyo emitwalo 49,000 nabwo bujja kuba butuusiddwa.
Obuuma buno busobola okwekenneenya ekinkumu ne feesi y’omulonzi.
Simon Mugenyi Byabakama agamba nti okusoomozebwa kwebaafuna mu kulonda okwaggwa okw`omwaka 2021, olw’obuuma okukola akasoobo, n’obulala nebugaana okukola, tebakusuubira kuddamu kubaawo.
Mu bitundu ewatali masanyalaze obuuma bagenda kubuweererezaako ne Power Bank, ewatali internet nakyo bakisalidde amagezi, ate nabakozi abagenda okubukoze bagenda ku babangula okumala ekiseera.
Bisakiddwa: Musisi John
