Ebibonerezo;
Ebbago ly’etteeka lino lirambika nti omuntu kinoomu anaatumbula enteekateeka zabagwiira ezittattana n’okukosa obwetengereze bw’eggwanga Uganda wakusibwa emyaka 20 oba okutanzibwa obuwumbi bwa shs 2 (shs 2 billions)
Ate bwekiba kitongole nga kyekyenyigidde ku bumenyi bw’amateeka buno, kyakutanzibwa obuwumbi bwa shs 4.
Okuwandiika n’okusaasaanya amawulire amakyamu oba agoobulumba ku ggwanga Uganda oba ku government, okubaga n’okussa mu nkola enteekateeka ezirina okukolebwa government ng’omuntu oyo oba ekitongole tekifunye lukusa okuva eri government, byonna government eyagala bifuuke misango egiriko ebibonerezo ebikakali
Omuntu akozesebwa abagwira okutaataaganya eby’okulonda by’eggwanga ebyawukana n’okusalawo kwa bannansi wakusibwa emyaka 20 oba okutanzibwa obuwumbi bwa shs 2.
Songa bwekiba kitongole nga kyekyenyigidde mu kumenya ennyingo eyo kyakutanzibwa obuwumbi bwa shs 4.
Okwenyigira mu nteekateeka ezikottogera ebyenfuna by’eggwanga ekiyitiddwa economic sabotage, government kati egufudde musango, era omuntu anaabyenyigiramu wakusibwa emyaka 20 oba okutanzibwa obuwumbi bwa shs 2, songa bwekiba kitongole nakyo kyakutanzibwa obuwumbi 4.
Bannansi abagala okukola omulimu gwaba agents babagwiira, government yakubawandiisa era ebawe certificates ezirambulula emirimu gyabwe n’emisoso emirala.
Ng’abanaakola obwa agents bwabagwira okutaataaganya obwetengereze bwa Uganda, obutaba na certificate oba olukusa, bakutanzibwa engasi ya kawumbi ka shs kalamba oba okusibwa emyaka 10 oba ebibonerezo byombi.
Ensimbi eziyingira eggwanga nga zifunibwa abantu kinoomu oba ekitongole okukola emirimu gyabagwira nazo ziteekeddwako ekkomo.
Ensimbi ezo eziweerezebwa tezirina kusukka obukadde bwa shs 400 mu mwaka, okugyako ng’ofunye olukusa okuva eri minister w’ensonga zomunda mu ggwanga.
Okufuna ensimbi ezisukka obukadde 400 mu bbanga ery’omwaka nga tofunye lukusa okuva eri minister, ekibonerezo kyakusibwa emyaka 20 oba okutanzibwa obuwumbi bwa shs 2, songa bwekiba kitongole nga kyekimenye etteeka lino kyakutanzibwa obuwumbi 4
Abagwira be bano aboogerwako mu tteeka;
