Ekibiina ekiddukanya omupiira ku semazinga Africa ekya CAF, kikakasizza baddifiri bannansi ba Democratic Republic of Congo, okulamula omupiira wakati wa Uganda Cranes ng’ettunka ne Guinea mu mpaka ez’okusunsulamu amawanga aganaakiika mu FIFA World Cup omwaka guno 2026.
Omupiira guno gugenda kuzannyibwa olwaleero nga 25 March,2025 mu kisaawe e Namboole ku bitaala, ku ssaawa 1 eyakawungeezi.
Ndala Jean Ngambo yalondedwa okubeera mu kisaawe wakati, agenda kuyambibwako abawuubi be kitambala okuli Nabina Sebutu ne Ngila Bongele, ate nga Kibingo Numbi ye ddifiri ow’okuna.
Uganda Cranes mu mupiira gwayo ogwasooka mu mpaka zino ng’ettunka ne Guinea, Guinea yawangula Uganda Cranes ku goolo 2-1.
Bisakiddwa: Isah Kimbugwe
