Obwakabaka bwa Buganda busse omukago ne Tropical Bank okukolera awamu mu ntegeka eziyamba okukyusa obulamu bw’abantu ba Buganda.
Omukolo gubadde mu Bulange e Mengo.
Katikkiro wa Buganda Owek Charles Peter Mayiga asuubizza nti Buganda yakukolagana butereevu ne banka z’Ebyobusuubuzi ezikulembeza obwerufu mu nzirukanya y’emirimu, n’ikubangula bannansi ku bikwaatagana n’ensimbi.
Ategeezezza nti bank z’ebyobusuubuzi nkulu nnyo eri enkulaakulana y’abantu, kyokka nga bwezitakozesa bwerufu mu mpeereza tezisobola kuggya bantu mu bwavu.
Katikkiro mungeri yeemu asabye Tropical Bank ebeere nsaale mu kusomesa bannansi ebikwatagana n’Ebyensimbi, okuvujjirira eby’obulimi n’obulunzi ,olwo bannansi bakyuuse ku mbeera y’ebyenfuna.
Ssenkulu wa Tropical Bank Hajat Joweria Mukalazi , ategeezezza nti bakwongera amaanyi mu buweereza bwebabadde batuusa mu Buganda , okwongerako okuvujjirira eby’obulimi, Okubunyisa Amazzi amayonjo, era yebazizza Obwakabaka olw’enkolagana ennungi ne Bank.
Bisakiddwa: Kato Denis