Ekitongole ekivunanyizibwa ku kulwanyisa ekikusa bantu nga kikolera wansi wa ministry y’ensonga zomunda mu ggwanga kikutte abantu 5 mu district ye Nebbi abagambibwa nti babadde basaale mu kukusa abantu, nga babasuubiza emirimu.
Kigambibwa abakwatiddwa babadde batalaaga ebitundu bya West Nile nga banoanya abantu nti babatwala kukola mirimu, sso nga ekigendererwa kyabwe kyakubaggyamu nsimbi.
Abagombeddwamu obwala ye Kasangaki Oscar, agambibwa nti yeyakuliramu enteekateeka yonna, Oyati Jonathan, Atimango Scovia, ne Odokongero Brain.
Kigambibwa nti bano babadde baliko ekiyumba webakuumira abantu bano, olwo ne babaggyako ssente wakati w’emitwalo gya shs 200,000 okutuuka ku bukadde 2 obwa Uganda, nga babasuubizza emirimu emisava.
Omukwanaganya w’emirimu mu Kitongole kino Kigenyi Basaalirwa, asiinzidde mu lukuηηaana lwa bannamawulire ku kitebe kya police e Naguru ,nategeeza nti okunoonyereza kwebalina kulaga nti abakwatte babadde bakuumira abantu mu bifo ebitakkirizibwa mu mateeka.
Kigenyi agambye nti abakwate babadde baatandikawo ne kampuni ez’obukuusa okuli Kanaani dreams ne Egulo International nga ministry y’e kikula ky’abantu tezimanyIiko zebabadde bakozesa okulimba abantu.
Ategeezezza nti abakwate bagenda kutwalibwa mu mbuga z’amateeka bavunaanibwe emisango egiwera omuli n’ekikukuusa bantu.
Mungeri yemu Kigenyi agambye nti ng’ekitongole balina emisango 4,835 egyekuusa ku kukuusa bannauganda, nga gino okusinga girimu baana bato.
Abakulu mu wofiisi wno bagamba nti bakizudde nti abaana abato bebasinga okulimbibwa emirimu, sso ng’era bagenze okwekenenya nga bakakibwa okuyingizibwa mu bikolwa eby’omukwano
Kigenyi ategezeza nti ebiffo ebiri mu biguga byebimu ku bisinga ekikukusa baana , ng’otaddemu n’okubakabasanya, naasaba ababyenyigiramu okweddako.
Ono agamba nti nga bakolera wamu ne police n’ebitongole byonna ebikwatibwako basuubira bajja kumalawo omuze guno, wabula naasaba abazadde n’abantu bonna okubeera obulinddala eri abantu ekikula kino.
