Akakiiko ak’ekiseera akassibwawo government okwekeneenya ebyenjigiriza n’ebisomesebwa abaana b’eggwanga, ka Education Policy review commission, kakwasizza omukulembeze w’eggwanga alipoota yaako eyavudde mwebyo byekakuηaanyizza.
Akakiiko kano akabadde kakulemberwa eyaliko minister w’ebyenjigiriza Rt Col.Amanya Mushega ,kaatondebwawo mu mwaka gwa 2021 okwekeneenya ebikwata ku byenjigiriza okuvaayo n’ebirowoozo kwebyo government byeyetaaga okutereeza okuzza omulamwa mu ebyenjigiriza by’abaana b’eggwanga.
Ba memba abalala ku kakiiko Kano kuliko Eng John Nasaasira, John David Kabasa, Monica Abenakyo Monge, Irene Nanfuka Rusoke, Dr. Prosperous Nankindu Kavuma, Dr. Yusuf Khalid Kibuuka Nsubuga n’abalala.
Alipoota eno omukulembeze w’eggwanga emukwassiddwa mu maka gobwa president Entebbe.
Mu bubaka president Museveni bwayisiza ku kibanja kye ekya X ekimanyiddwanga Twitter, agambye nti alipoota eno egenda kugitwaala mu lukiiko lwaba minister ekubaganyizibweko ebirowoozo, government esalewo ekyokugikolera.
Museveni agambye nti ayagala wabeewo ebikyuusibwa mu byenjigiriza byeggwanga , abaana beggwanga okutandika ku myaka 16 babeere nga baliko byebasobola okukola sso SSI kusoma busomi okunoonya emirimu .
Ebimu kwebyo ebizze buwulirwa nti byebirowoozebwako oba oli awo okukyuusa mukyebyenjigiriza, kwekukyuusa ministry yebyenjigiriza etandiike okuyitibwa ministry of education, sports and training.
Enkyuukakyuuka endala ezizze zoogerwako nti zeziyinza okukolebwa mu byebyenjigiriza kuliko okuggyawo ebigezo bya primary eyomusanvu (PLE)n’ensonga endala nnyingi.
Ebissomesebwa abayizi mu kiseera kino byasemba okolebwamu ennoongosereza mu mwaka gwa 1992.
