Tiimu y’eggwanga lya Nigeria emezze South Africa mu nkola ey’okusimulagana penati 3: 1, bwetyo neyesogga omutendera gwa Fayinolo ezigenda okubaawo nga 11 February,2023 ne IvoryCoast.
Eddakiika 120 zigenze okugwako nga Nigeria ne SouthAfrica bali 1: 1 nazo zaavudde mu penati.
South Africa omupiira guno egumazeko n’abazannyi 10 oluvanyuma lwa Grant Kekana okufuna kaadi emyufu mu dakiika eya 115.
Nigeria kati eri ku kaweefube w’okuwangula ekikopo kino omulundi ogw’okuna, ekyasooka kyali kya 1980, 1994 ne 2013.
Mu ngeri yeemu Ivory Coast abategese empaka za AFCON 2023 ekubye Democratic Republic of Congo ku ggoolo 1: 0 mu ddakiika 90 n’eddaakiika 5 ezongeddwamu, neyitawo okwesogga fayinolo.
Goolo ewadde IvoryCoast obuwanguzi eteebeddwa Sebastian Haller mu dakiika eye 65.
South Africa egenda kuzannya DRC nga 10 February,2024 okulondako anakwata eky’okusatu mu Kikopo kya AFCON 2023. #
