Abatemu ab’ebijambiya balumbye ebyalo okuli Ntebettebe ekisangibwa mu division ye Bweyogerere awamu ne Mbalwa batemyetemye abantu 2 okuli Josephine Mirembe ne Sharon Mugala 18 omukozi ku Leisure park esangibwa e Mbalwa.
Josephine Mirembe gwetusanze mu ddwaliro lya Ggwatiro Hospital agamba nti yabadde yakannyuka ng’ava kukola ku ssaawa ttaano ez’ekiro, abavubuka 3 ababaggalidde ebijjambiya baamulumbye munnyumba nebamusaba essimu bweyagigaanidde kwekumuteemaatema.
James Kalyango akulira eby’okwerinda ku kyalo agambye nti obubbi bweyongedde nnyo mu kitundu, nasaba police okubongera ku bukuumi.
Bisakiddwa: Ngabo Tonny