Omuzannyi wa ttiimu y’eggwanga ey’omupiira ogw’ebigere eya Uganda Cranes, Abdul Lumala, mu butongole yegasse ku club ya Slaven Belupo egucangira mu liigi ya babinywera mu Croatia.
Abdul Lumala mu kiseera ekiyise abadde talina club oluvanyuma lw’okwawukana ne club ya Vipers eya Uganda Premier League mu February wa 2024.
Mu club ya Slaven Belupo gy’agenzemu, abazannyidde emipiira 2 egy’omukwano nga bwe bakyakola ku mpapulaze n’okwongera okumwetegereza, nga kakaano akakasidwa ng’omuzannyi wa club eno omujjuvu.
Abdul Lumala azeeyo e Bulaaya omulundi ogw’okubiri oluvanyuma lw’okuzanyirako club eziwerako mu Sweden.
Abdul Lumala era yazannyirako club ya Pyramids eya Misiri gy’eyegattako mu 2020 oluvanyuma lw’omutindo gwe yayolesa mu AFCON 2019 e Misiri.
Ttiimu y’eggwanga eya Uganda Cranes yakagizanyira emipiira 6 gyokka.
Ttiimu ya Slaven Belupo gy’agenzemu mu kiseera kino ya 8 ku kimeeza ekya ttiimu 10.
Bisakiddwa: Issah Kimbugwe