Police ya Uganda esattira olw’obulumbaganyi obukoleddwa ku basirikale babwe ku police ezenjawulo omuli n’enkambi mu bitundu bya Rwenzori mu Kasese.
Wabaddewo akasatiiro ak’amanyi abantu abatategerekese bwebalumbye police ya Rwenzori West ne Rwenzori East .
Obulumbaganyi babukoze ku district ye Bunyangabu,Bundibugyo mu muluka gwe Lakhuuka mu gombolola ya Sindira.
Sso ng’era balumbye ne mu Kibuga Fortpotal okulirana esomero lya Nyakasura Sako kutendekero lya Canon Apollo core PTC ne district ya Kabarole.
Okusinzira ku police abatamanyaηamba bano mu Rwenzori East obulumbaganyi babukoze mu district ye Kasese ku nkambi ya police saako police ye Rugendabara.
Abasirikale ba police b’abantu ba bulijjo batuusiddwako ebisago.
Omwogezi wa police mu ggwanga Rusooke Kituuma agambye nti abaweerako abakoze obulumbaganyi buno ku police batiddwa ate abalala bakwatiddwa.
Mungeri yemu Kituuma agamba nti abakwatiddwa bagenda bayambako mu kunonyereza kwebatandise, era bakubulira bannauganda omuwendo omutuufu ogw’abafiiridde mu bulumbaganyi buno n’abakwatiddwa.
Guno sigwemulundi ogusoose ebitundu bye bimu okulumbibwa bwebiti, nga ne gyebuvuddeko abatemu bebamu balumba essomero lya Lhubiriha Ss mu Mpondwe era gyebyagwera nga abayizi abasukka mu 40 bafiriddemu, sso nga nabamu abalumbaganyi bakulitta nabo.
Oluvanyuma police yategeeza nti okunoonyereza kweyali ekoze, baazuula nti abaakola obulumbaganyi ku bayizi bano baali bakabinja kabayeekera aka ADF, era nerangirira ebikweekweeto vvawo mpiteewo ku kabinja Kano.#
