Abantu 8 bakakasiddwa nti bebafiiridde mu kabenje ka Bus akaguddewo ku luguudo oluva e Mbarara okudda e Isingiro.
Okusinzira ku police akabenje kano kabaddemu emottoka nnamba UBL 945U ey’ekiika kya FUSo Fighter ne Bus namba UBG 812K eya Kampuni ya Global.
Kigambibwa nti Fuso eyabadde yetisse Scrap yeyalemeredde omugoba waayo neyingirira BUS.
Michael Kananura omwogezi wa Police y’ebidduka agambye nti abantu 8 ababadde batambulira mu mottoka ya FUSO bebafiiriddewo ate omu eyabadde mu Bus nalumizibwa byansuso
Michael Kananura ategezeza nti akabenje kano kavudde ku ddereva wa FUSO eyabadde avugisa ekimama.
Agambye nti emirambo gy’abafudde gitwaliddwa mu ggwanika ly’eddwaliro e Mbarara
Bisakiddwa: Mukasa Dodovico
