Abantu 6 bafiiridde mu kabenje akagudde mukabuga k’e Lumanyo mu ggombolola ye Maddu mu district ye Gomba, ku luguudo oluva e Sembabule okudda e Mpigi.
Emmotoka ya taxi ekika kya drone No.UA 788DJ bweremeredde omugoba waayo nagikuba ekigwo.
Abafudde babadde bava ku kyalo Mukeentebe Mawogola, nga kigambibwa nti babadde balina omuwala gwebabadde bawerekerako abadde agenda okufuumbirwa mu bitundu by’e Bulemeezi.
Omu ku badduukirize Luyiga Robert ategeezezza CBS nti ddereeva wa taxi atanategerekeka mannya alemereddwa okuweta ekkoona lye Lumanyo, emmotoka nagitomeza ekifunvu ku misinde emingi, nedda neegwa mu kkubo wakati.
Bagenze okutuuka ku mmotoka okuddukirira ababaddemu, nga 4 bafiiriddewo, ate 2 bafudde bakatuusibwa mu ddwaliro e Gombe mu district ye Butambala.#
