Abavubuka babiri batokomokedde mu kabenje ka Mmotoka ku luguudo lwe Busaabala mu Wakiso.
Abavubuka basatu babadde mu Mmotoka Mark X namba UBB 378 W ebadde edduka Obuweewo nga eyolekera Gangu, eremeredde Omugoba waayo neyeesolossa mu luwonko oluliraanye essomero lya St Henrys secondary school Gangu.
Akabenje kano kewuunyisizza ababaddewo , nti kubanga omugoba wa Mmotoka eno ebadde edduka emisinde emizibu talowoozezza ku Mpompogoma za Binnya ebiri mu kitundu wekagudde.
Omu ku babaddewo nga akabenje kano kagwaawo Kasozi Jamaada, agambye nti omuntu omu ku basatu ababadde batambulira u Mmotoka eno asimattuse, naddusibwa mu kalwaliro akaliranyeewo,nga taasulewo tasiibewo yaali ku mimwa.
Police okuva e Katwe eyitiddwa netwaala Emirambo mu ggwanika lyÉddwaaliro ekkulu e Mulago, nga okunoonyereza ku kabenje kano bwekugenda mu Maaso.
Oluguudo lwe Busaabala wadde president Museveni yalutongoza okukolebwa mu mwaka 2021 bweyali anoonya akalulu, wabula n’okutuusa kati teruggwanga,ebinnya bizzeemu okulusensrra, songa ne kampuni eyaweebwa omulimu gwÓkuluzimba yalwabulira dda, abantu bakolerako byebaagala.
Bisakiddwa: Kato Denis
