Abantu 2 bafiiriddewo mbulaga n’abalala abawerako nebaddusibwa mu malwaliro n’ebisago eby’amaanyi,mmotoka 2 bwezitomereganye bwenyiikubwenyi e Kagologolo mu district ye Bukomansimbi.
Mmotoka ezibadde mu akabenje kano kubadeko ekika kya Noah No. UA 250DA ng’eno ebadde etisse abasaabaze ne FUSO No. UBK 446Y ebadde etisse bbulooka.
Fuso ebadde eva ku ludda lwe Ssembabule ng’edda Bukomansimbi, kwekwambalagana ne Noah ebadde eva ku ludda lwe Bukomansimbi.
Abeerabiddeko ng’akabenje kagwawo bagamba nti emmotoka zombi zibadde ziwenyuuka buweewo, kyokka owa Noah naava ku ludda lwe naayingirira Fuso.
Mayor wa Kagologolo town Council Alex Ssekigudde ajukizza ministry y’ebyenguudo, okuteeka zi humps mu kitundu ekyo, okukendeeza obubenje obususse.
Abatuuze mu Town ye Kagologolo, Butenga ne Kawoko baludde nga balajanira ab’ebyenguudo okuteeka obugulumo mububuga obwo naye nga tewali kikolebwa.
Bisakiddwa: Mubarak Ssebuufu Junior
