Abakyala bannabyabufuzi okuva mu bibiina ebyenjawulo bakuzizza olunaku lwabwe, nebaweebwa amagezi okwesimbawo ku bifo by’obukulembeze ebyenjawulo.
Balukulizza ku kitebe kya NUP e Kavule Makerere mu Kampala.
Omukulembeze w’ekibiina kya NUP Robert Kyagulanyi Ssentamu agambye nti abayala bano babasoomozezza nnyo, nga bbo abasajja abakulembeddemu eby’obufuzi byebagamba nti byawulayawula mu bantu.
Kyagulanyi agambye nti abakyala okuva mu bibiina ebirala ebivuganya government okwetaba ku mukolo ogwo kubadde kusoomooza kw’amanyi eri banna byabufuzi abasajja abasiiba mu ntalo ezitaggwa, kyokka nga balina ekigendererwa kimu kyakukyuusa ggwanga
Alabudde abakyala abatya ebyobufuzi nti baleme kuteekawo miziziko nga bakozesebwa government,era awadde abakyala amagezi okunywerera ku mazima.
Akulira oludda oluvuganya gavumenti mu palamenti Joel Ssenyonyi awadde abakyala amagezi okufuna obumalirivu okwesimbawo k ubuli kifo kya bukulembeze kuba balina obusobozi.
