Olusirika lwÁbakulembeze mu Bwakabaka bwa Buganda baweereddwa amagezi okunnyikiza federo yébikolwa , ng’omu ku kaweefube wÓkutuusa enkulaakulana mu bantu ba Kabaka.
Bwabadde aggalawo olusirika luno ku ssettendekero wa Muteesa I Royal University e Mengo, Kamalabyonna wa Buganda Charles Peter Mayiga agambye nti okuteekesa federo yÉbikolwa mu bantu ba Kabaka omuli okubaagazisa Okulima emmwaanyi , okulunda nÓkusomesa abaana kekabonero kankukunala akooleka Buganda weeraga.
Katikkiro agumizza Obuganda nti Federo yÁmateeka nayo erowozebwako , gyagambye nti yakutuukikako ssinga tewabaawo kulagaya mubuweereza , naddala obugendereddwamu okuggya abantu ba Kabaka mu bwaavu.
Mungeri eyenjawulo Katikkiro ajjukizza abaami ba Kabaka mu bifo byÓbukulembeze ebyenjawulo okweewala Obukumpanya,baweereze Ssemunywa mu bwerufu.
Olusirika luno lumaze ennaku 2 nga lutambulidde ku mulamwa ogugamba nti: Okuseseetuula enkola eya projects okudda ku nkola eya Programs mu Buganda nga tunnyikiza Federo ey’ebikolwa.
Omulamwa guno gwesigamiziddwa ku biruubirirwa eby’okusitula embeera z’abantu ba Buganda mu by’enfuna n’enkulaakulana mu Buganda yonna.
Omumyuuka owookubiri owa Katikkiro awadde amagezi eri abantu ba Kabaka abaagala okukulaakulana beegatte ku bibiina byÓbwegassi, basobole okukulaakulana.
Abakulembeze mu Bwakabaka bwa Buganda balambise ebirowoozo 9 ebyanjuddwa minister wÁbavubuka , Ebyemizannyo Nébitone Owek Ssalongo Robert Sserwanga ebigenda okutambulirwako empeereza y’emirimu mu Bwakabaka mu mwaka guno 2024.
Ebiteeso bino mulimu :
-Okulya obulungi nÓkutereka emmere emala.
-Okulwaanyisa Obubenje ku nguudo ng’abagoba bébidduka omuli aba Bodaboda basomesebwa obubonero bwokunguudo nÓkuteeka obubonero mu lulimi Oluganda.
-Okuteeka essira ku nsonga ya Bamulerwa nga tulwanyisa Mukenenya.
-Okutumbula ebyobulamu mu masomero.
-Okusoosowaza endwadde zÁbaami omuli okweekebeza Akatungulu.
-Okulwaanyisa omuze gwÓkukozesa ebiragalalagala.
-Okufuna ebyuuma bikalimagezi mu malwaliro gÓbwakabaka.
-Okussa essira ku ntegeka yÁmaka naddala mu byaalo.
-Ókuteeka ebifo awasomesebwa abasawo mu malwaliro gÓbwakabaka.
Mu byetaaga okwongerwamu amaanyi nga bino byanjuddwa omumyuuka owookubiri owa Kaggo Dr. Fiona Kalinda , mubaddemu ; okubunyisa entekateeka zébyobulamu mu Masaza gonna nga Yinsuwa , okuggumiza okukola dduyiro, nÓkunaaba mu ngalo.
Okumanyisa abantu abiba bivudde mu musaayi bamanye ebifa mu mibiri gyabwe, nÓkunnyikiza ensiisira zÉbyobulamu nga Obwakabaka bukolagana ne ministry yébyobulamu mu.government ya wakati.
Olusirika luno lwetabiddwaamu Bajjajja abataka abakulubÓbusolya,ba minister ba ssaabasajja, Abaami bÁmasaza,n’abakungu mu bitongole byÓbwakabaka byonna.
Bisakiddwa: Kato Denis