Ab’obuyinza ko Nabakulembeze mu District ye Kalungu bagaanye okuggulawo ekizimbe ku Somero lya Kyaato Secondary School mu Gombolola ye Kalungu, kigambibwa kyazimbiddwa mu ngeri yekiboggwe.
Kiddiridde Omukulu w’essomero lya Kyaato, Lugaaju John okwemulugunya ku njatika ezijjudde mukizimbe kino ekyakajibwako engalo.
Kizimbiddwa Kampuni ya Makawum Construction nga ekizimbe kino kirabika bulunji ebwelu kyokka munda kitandiise okwonooneka.
Ssentebe wa district ye Kalungu Nyombi Mukiibi Kamaadi mu busungu obunji awaliriziddwa okuyimiriza okutongoza ekizimbe kino ekyawemmense obukadde bwa shs 150, nategeeza nti abaakola omulimu guno balina okuguddamu .
Kamaadi era alabudde bonna abawebwa emirimu okugikola mu ngeri y’obuvunannyizibwa kubanga bakuvunanibwa.
Omuyambi w’omubaka’ wa President mu District ye Kalungu Dumba Reagan Kate atabukidde abakoze omulimu guno nagamba nti abantu nga bano bebavumaganya government, olwo nebalowoozesa abantu nti terina kyekoze.
Gyebigweredde nga ku masomero abiri agalina ebizimbe ebibadde birina okutongozebwa ekizimbe kimu kyokka kyekigguddwawo ku somero lya Mapeeera sss ekyawemmense obukadde bwa shs 132.
Bisakiddwa: Ssebuliba Julius
