Akakiiko k’ebyokulonda ak’ekibiina ekiddukanya omupiira mu Uganda ekya FUFA, kalangiridde nti abo bonna abegwanyiza entebe ennene ey’obwa president baketekeddwa okutekayo empapula zabwe obutasukka nga 24 omwezi guno ogw’okutaano.
Mungeri yeemu akakiiko kano kafulumizza ebisanyizo ebirina okutuukirizibwa abagenda okwesimbawo, nga omuntu okuvuganya kuntebe eno ateekeddwa okusasulayo ensimbi obukadde 10.
Eyagala okwesimbawo ateekeddwa okuba n’empapula ez’obuyigirize ku ddaala erya Uganda Advanced Certificate of Education (S.6) oba empapula za FAMACO II.
Ateekeddwa okuba n’empapula ezimusemba okuva mu club evuganya mu liigi y’okuntikko eya Uganda Premier League, ebibiina ekikolagana ebya Special Interest Groups oba ebibiina ekiddukanya omupiira ku mutendera gwa region.
Atekeddwa okuba n’olukalala lw’abantu baagenda okutambuza nabo obukulembeze ku ddala erya executive.
Omukulembeze aliko Ssalongo Eng Moses Magogo yakakulembera FUFA emyaka 12 okuva lwe yajja mu ntebe mu 2013, nga yadda mu bigere bya Dr. Lawrence Mulindwa.
Okulonda obukulembeze bwa FUFA obuggya ku kisanja ekirala eky’emyaka 4, kujja kubeerawo mu ttabamiruka wa FUFA ow’omulundi ogwe 101 agenda okubeerawo nga 05 July,2025 mu kibuga Hoima.
Bisakiddwa: Isah Kimbugwe
