Police mu Kampala n’emiriraano ekutte abantu 3 abagambibwa nti babadde bamaze okuluka olukwe lw’okunyagulula essuundiro ly’amafuta erya kampuni ya Nesta petro Station mu Kampala.
Essuundiro lino lisaangibwa ku Salaam road mu division ye Makindye mu Kampala.
Police egambye nti yafunye amawulire nti waliwo abaagala okunyaga essuundiro lino era neetandika okubagguumiika, okutuusa bwebagezezaako okutuukiriza obunyazi bwabwe ne bakwatibwa.
Omwogezi wa police mu Kampala n’emiriraano Racheal Kawala agamba nti abakwate basangiddwa n’ejjambiya 4 eziteberezebwa nti zebabadde bagenda okukozesa mu bunyazi buno.
Kawala ategezeza nti kati bakuumibwa mu kadduukulu ka police e Katwe, ng’okunoonyereza bwekugenda mu maaso.#
