Police mu district ye Luweero ekutte abakozi 2 ab’essomero lya New Life Secondary School erisangibwa mu Kizito Zone mu Luweero Town Council bagiyambeko mu kunoonyereza ku nfa y’omuyizi w’essomero lino Nicholas Nakibinge.
Nakibinge abadde asoma S.4 nga kigambibwa nti omusomesa amukubye ebikonde mu kikwekweto ekikoleddwa ku ssomero, abasomesa bwebabadde bafuuza abayizi abatambadde Uniform, saako abakuza enjala n’enviiri.
Kigambibwa nti Nakibinge yoomu ku babadde bakwatiddwa omusomesa kwekutandika okumukuba ebikonde naagwa ku ttaka, bamuyoddewo okumuddusa mu ddwaliro e Luweero afiiridde mu kkubo.
Omwogezi wa police e Luweero Sam Twinamazima agambye nti waliwo n’omuyizi omulala naye akubiddwa atwalidwa mu ddwaliro.
Omusomesa agambibwa okukuba omuyizi naafa ataddeko kakokola tondeka nnyuma, police kwekukwata abakozi b’essomero 2 abasangiddwawo bagiyambeko okunoonyereza.#
Bisakiddwa: Taaka Conslanta
