Essomero ly’abayizi abawala erya Trinity College Nabbingo lijaguzza emyaka 84 okuva lweryatandikibwawo.
Lyatandikawo mu 1942 ab’ekibiina kya White Fathers and Sisters, era ng’ettaka kweritudde lyawebwayo eyali Katikkiro Stanislaus Mugwanya.
Katikkiro wa Buganda Charles Peter Mayiga yaabadde omugenyi omukulu ku bijaguzo bino ebiyindidde ku somero lino erya Trinity College Nabbingo.
Katikkito akkaatirizza obukulu bw’okunnyikiza ennimi enzaaliranwa mu Masomero, kisobozese abaana abato okukula nga bamanyi Ennono zaabwe nÓbuwangwa.
Katikkiro asabye amasomero obutetaba mu muze gw’okufeebya nennono nÓbuwangwa, nga gasibako abayizi Ennimi ezitali Nzaaliranwa.
Katikkiro agambye nti essomero lya Trinity college Nnabbingo likoze kinene okutumbula Omwana Omuwala nÓkumumalamu okwetya, mungeri eyenjawulo neyeebaza Omugenzi Stanislaus Mugwanya ,olwettoffaali lyetateeka ku byenjigiriza.
Ssentebe wa Boodi ya Trinity College Nnabbingo Rev Father John Mary Ssebunya asuubizza nti baakwongera okufuba okunyweza eby’ennono nÓbuwangwa mu bayizi, bireme kufuuka kizibu eri abayizi.
Omusumba we Masaka Bishop Silverus Jjumba, asabye amasomero gonna agali ku musinji gwÉddiini okukuumira abayizi mu bwa Katonda, nga kino kirina kulabikira mu nneeyisa.
Minister wÉbyenjigiriza nébyobulamu mu Buganda era nga yaliko omukulu wÉssomero lya Trinity college Nnabbingo Owek.Cotilda Nakate Kikomeko, yeebazizza abaddukanyizza essomero lino olwobuvumu, nÓkwagala ennyo ebyenjigiriza.
Bisakiddwa: Kato Denis
