Omutaka Omukulu ow’akasolya k’ekika ky’Emmamba omutaka Gabunga Ndiira James Mubiru Ziikwa owa 38, akunze abavubuka okwenyigira mu buweereza bw’ebika byabwe.
Gabunga abadde ku mbuga ye e Kabowa mu Ssaza Kyadondo, bw’abadde asisinkanye bazukulube okuva mu Ssiga lya Kagenda e Luwuunga.
Babadde ku mukolo ogwatuumibwa Olutikkiro, Gabunga mwasisinkanira abazukulu nga buli ssiga lirina olunaku lwalyo mwabasisinkanira okubrerako enkulakulana gyebateeka mu kika.
Gabunga akubirizza abavubuka obuvunaanyizibwa obwo obutabulekera bantu bakulu bokka, wabula babwenyigiremu babeeko byebayiga.
Omutaka Mulindwa Luyombo Joseph owe ssinga lya Kagenda e Luwuunga mu Mawokota, asabye abazzukulu okukoma okwagala okufuna ebya mangu nokwewala enjawukana ezibakutulamu.
Abuulidde Jaaja Gabunga nti abazzukulu mu ssiga lya Kagenda batandise enteekateeka zookukyusa ettaka ly’essinga lyabwe, okuva mu mannya ga Kagenda lissibwe mu mannya g’Ekika.
Katikiro we kika kye Mamba Kyobe Kaberenge ategezezza nti balina enteekateeka nyinji ez’amanyi ezigendereddwamu okusitula omutindo mu Kika kyabwe.
Ku mukolo guno Jaaja Gabunga awadde Muzukulu we Nantajja Grace Ssebanakitta, era nga ye Mukulu w’essomero lya Mengo S.S omudaali ogumwebaza okuwagira n’okutumbula ebyemizannyo, era Nantajja akunze bazukulu banne okuwagira ebika byabwe.
Omukulu we Ssiga lya Kagenda Mutaka Mulindwa Luyombo Joseph era ayanjulidde Omutaka Gabunga olukiko olugya mu Singa lye nga Katikiro Emmanuel Mulindwa amyukibwa Musa Ssepuya ,John Kiggwe, Daniel Kibudde mukubiriza wa Lukiko,Nomuwandisi Paul Nantajja Lumanyika ,omuwanika Hajat Madina Ndagire,owa Bavubuka Ibrahim Muluya ,Owa Mawulire John Mpindi ,Owabakyala Rehem Nasuuma ,Obuwangwa ne Noono Ssalongo Kizito n’abalala
Bisakiddwa: Nakato Lwantale Jeniffer
