Police ekutte abantu 8 ku kyalo Kagogo muggombolola ye Kyomya mu district ey’e Kiboga, ku bigambibwa nti babadde bategese omukolo okufumbiza omuwala ow’emyaka 16 gyokka, ng’abadde muyizi ku ssomero lya Bukomero SS mu S.3.
Abakwate kuliko Kiyingi Yunusu- taata w’omuwala, Luwedde Robinah- maama w’omuwala, Namubiru Allen- senga, Nakibuuka viola omugole, Kawuki matthias- kawasa, Sande Walulya- taata w’omugole omusajja, Tusuubira Esther- maama w’omugole omusajja, kawasa kwossa ne Kafeero Jacob eyabadde awerekedde abako.
Police era ekutte n’ebirabo ebibadde bireeteddwa, nga police egamba nti byakukola ng’ebizibiti.
Abakwate bakuumirwa ku Police ye Kiboga gyebaguliddwako emisango okuli okufumbiza omwana omuto, kwossa n’ogwokujjula ebitanaggya.
Omwogezi wa Police muttunduttundu lya Wamala- ssp Lameka Kigozi awabudde abazadde okufumbiza abaana bebamaze okwekakasa nti bawezezza emyaka 18 okwewala okugwa mu nsobi ngazino.
Bisakiddwa: Kitaka John
