Police ya Uganda erangiridde nti yakakwata abantu abasukka mu 1000 okwetoloola ebitundu bya Kampala n’emiriraano, abagambibwa okwenyigira mu bumenyi bwa mateeka.
Okuva ku kiseera ky’ebyokulonda ekyaliwo ku mu January. 2026, obumenyi bw’amateeka buzze bweyongera, nga waliwo abazze bakwatibwa mu butambi nebusaasaanyizibwa ku mitimbagano.
Nga nakabadde kakasembayo ke katambi akaakwatiddwa nga waliwo abanyaga ensawo ku muntu mu bitundu bya Ggwanda mu Kisenyi mu Kampala, nga balina n’ebijjambiya.
Okusinzira ku police abamu ku bano basangiddwa ne namba z’essimu ,enjaga ne bintu ebirala ebimenya amateeka.
Omwogezi wa police ya Uganda Rusooke Kituuma asinzidde mulukuηaana lwa bannamawulire ku kitebe kya police e Naguru, nategeeza nti mu Kampala East bakakwata abantu 224, mu Kampala South bali 510, mu Kampala North bali 3 ne boda boda 3.
Rusooke ategezeza nti ebikwekweto bino nga bakolera wamu ne bitongole ebirala byakugenda maaso nga bikolebwa, ssi mu Kampala wooka wabula okwetoloola e ggwanga lyonna.
Mungeri yemu Rusooke agambye nti mu bitundu bya Soroti waliwo omukyala gwebakutte ne passport 261 ezigambibwa nti abadde azikozesa mu bumenyi bwa mateeka era on wakuvunanibwa.#
