Police mu Kampala n’emiriraano ekutte abantu 5 abagambibwa okwenyigira mu bunyazi obwenjawulo nga bakozesa emmundu, era nga bateeberezebwa okuba nga bebaatta eyali OC wa police ye Ntaawo mu district ye Mukono.
Nga 23 November,2025 abazigu baalumba abatuuze mu bitundu bye Ntaawo e Mukono, era eyali OC wa police mu bitundu bino ASP Bagenda Emmanuel bweyagezako okubalemesa baamukuba amasasi agamuttirawo
Bakwatiddwa mu kikwekweto police ne bitongole ebikuuma ddembe ebirala kyebakoze mu zone okuli Kiti A zone, Kirinnya, Bweyogerere ne Wakiso district.
Emmundu 3 saako magazine z’amasasi bizuuliddwa nga byebabadde bakozesa okutemula abantu.
Abakatiddwa kuliko Amutuhairwe Robinson nga yawerezako muggye ly’eggwanga, Okello Daniel mukumi ku kampuni ya Fortbet, Kasango Arafat, Luyirika Joseph, Innocent ne Alphonse Daniel.
Omwogezi wa police mu Kampala n’emiriraano Racheal Kawala agambye nti abakwate bakkirizza nti bebaatta OC w’e Ntaawo, era nategeeza nti ebikwekweto engeri eno, bikyagenda maaso okwetoloola e ggwanga lyonna.#
