Ttiimu ya Senegal ey’omupiira ogw’ebigere eya The Teranga Lions, esitukidde mu mpaka za Africa Cup of Nations ez’omulundi ogwa 35 ezibadde ziyindira e Morocco, ekubye abategesi aba Morocco goolo 1-0 mu mupiira ogubadde ogw’okuluma obugigi.
Goolo ewadde Senegal ekikopo eteebeddwa Pape Gueye mu ddakiika eye 94, wabula mu kusooka omupiira guno guwedde maliri ga 0-0 mu dakiika 90, olwo ne bongeramu eddakiika 30.
Senegal ewangudde ekikopo kino omulundi oggw’okubiri, nga yasooka kukiwangula mu 2021 e Cameroon, ate nga Morocco esigadde n’ekikopo kimu kye yawangula mu 1976.
Senegal ekubye ebizungirizi 11 ku goolo ya Morocco nga 6 bye bibadde ku ntomo, ate Morocco ekubye ebizungirizi 17 nga 5 bye bibadde ku ntomo.
Senegal omupiira guno egwefuze ebitundu 55% ate Morocco ebitundu 45%.
Nigeria ye yakutte ekifo eky’okusatu bweyakubye Misiri goolo 4-2 eza peneti oluvanyuma lw’okulemagana 0-0 mu ddakiika 120.
Uganda, Kenya ne Tanzania be bagenda okutegeka empaka eziddako mu 2027.
Bisakiddwa: Isah Kimbugwe
