Ekibiina ekiddukanya omupiira mu Africa ekya CAF kirangiridde nti ticket ez’omupiira ogugenda okuggulawo empaka z’ekikopo kya Africa Cup of Nations ekya 2025 nti zatundiddwa ne ziggwawo.
Abategesi aba Morocco nga battunka ne Comoros bebagenda okuggula empaka zino, nga 21 December,2025.
Bagenda kuzannyira mu kisaawe kya Prince Moulay Abdellah Stadium ekisangibwa mu kibuga Rabat e Morocco.
Ekisaawe kino kituuza abantu emitwalo 69,500, nga kyandika okuzimbibwa mu 2023 ate ne kiggulwawo mu September,2025.
Akayisannyo kamaanyi ddala e Morocco nga bannansi betegekera empaka zino ez’omulundi ogwa 35 okuva lwe zatandika mu 1957, wabula Morocco egenda kuzitegeka omulundi ogusooka.
CAF era ekakasizza nti ku mulundi guno basuubira abantu okweyongererako ddala obungi abagenda okulaba empaka zino obutereevu mu bisaawe, ku mitimbagano n’emikutu emirala okusinga nga bwe gwali mu mpaka ezasembayo mu 2023 mu Ivory Coast.
Uganda Cranes yeemu ku ttiimu 24 ezigenda okuvuganya mu mpaka zino, eri mu kibinja C ne Nigeria, Tunisia ne Tanzania, nga yakuzannya omupiira ogusooka nga ettunka ne Tunisia nga 23 December,2025.
Bisakiddwa: Isah Kimbugwe
