Ssaabasajja Kabaka Ronald Muwenda Mutebi II akomyewo okuva ebweru w’eggwanga gy’abadde yagenda ku ntandikwa y’omwezi guno ogwa Museenene 2025.
Empalabwa ebadde yakoma okulabikako eri Obuganda bweyali aggalawo Empaka z’Emipiira gy’Amasaza ga Buganda egya 2025 mu kisaawe Nakivubo.
Ku lunaku olwo lwennyini Omutanda yali ava Bungereza, naagenda butereevu mu kisaawe e Nakivubo.
Nnyininsi yasiima naddayo e Bulaaya okubaako emirimu emitongole gyakola.
Akomyewo mu nsi ye olwa leero nga 27 Museenene,2025, era ku kisaawe Entebbe ayaniriziddwa Katikkiro wa Buganda Charles Peter Mayiga, Omulangira Kiweewa Crispin Junju n’abakungu abalala mu Bwakabaka.
