Police ya Uganda etandise okuyigga abazigu abasse OC we Ntaawo mu Mukono municipality ayitibwa Emmanuel Bagenda, nókulumya omusirikale omulala police constable Jackson Kiyingi , olwo nebakuliita némmundu yabwe ekika kya AK47.
Kigambibwa nti abasirikale bano baafunye amawulire nga bwewaliwo abazigu abatambulira ku pikipiiki abagala okunyagulula ekifo ekimu, bano kwekuggyayo pikipiki yabwe okubawondera.
Mu mbeera eno kigambibwa nti OC Bagenda ne munne bagezezaako okutaayiza ababbi bano, wabula ebyembi abanyazi nebabesooka nebabasindirira amasasi era ye OC yafiiriddewo oluvanyuma lwessasi okumukwata ku mutwe ate Jackson Kiyingi yavuddewo nébisago.
Omwogezi wa police mu ggwanga Rusoke Kituuma asinzidde ku kitebe kya police e Naguru mu ensisinkano ne bannamawulire nategeza nti tebagenda kuweera okutuusa ngémundu eyabiddwa efuniddwa nókukwata abasse munaabwe.
