Government ya Uganda erangiridde emirimu egiwerera ddala 6,858 egyetaagibwamu abakozi mu ministry n’ebitongole ebiwera130, era egambye nti omusaala gw’abakozi abo yamaze dda okugufuna.
Minister w’abakozi ba Government Muluuri Mukasa yaalangiridde emirimu egyo ku media Centre mu Kampala.
Agambye nti abakozi be bagenda okuwandiisa babeetaaaga mu bwangu ddala, era nga ne ssente ezetagiisa okubasasula obuwumbi 124 zaateekebwa mu mbalirira y’eggwanga ey`omwaka guno 2025-2026.
Minister agambye nti abamu ku bakozi abagenda okuwandiisibwa kuliko abasomesa mu masomero ga government aga primary ne Secondary agakyali amaggya, abalimisa ku district n’amagombolola, ba Local Chiefs oba Town agents n’abalala.
Abakozi abalala abeetaagibwa mwemuli abakulira enzirukanya yemirimu n`okugirondoola mu districts, municipalities namaggimbolola, gamba nga ba District Education Officer DEO, Chief Administrative Officer COA, Community Development Officers CDOs naabalala.
Government era etaddewo obuwumbi 5.48 okusasula abasawo abagenda okuwandiisibwa mu malwaliiro ga government amapya agazimbiddwa mu district ezenjawulo mu ggwanga, nga amalwaliro ganno gali Ku mutendera gwa Health Centre 3 ne 4.
Mungeri yemu waliwo namalwaliiro amapya agasuumusiddwa okuva ku mutendera ogumu okudda ku Mulala, era nago getaaga abakozi.
Omuteesiteesi omukulu Owa Ministry y’abakozi ba gavumenti Catherine Bitarakwate Musingwiire, alabudde bannauganda obutagyibwako nguzi nga banoonya emirimu gino gyegiri nti kubanga gyabwereere.
Alabudde ne office za government ezirimu abakozi abaawummula, abalina endagaano ezagwako, oba abaafa, obutagezaako kujjuza ebifo bino nga tebasoose kwebuuza wadde okufuna olukusa okuva mu Public Service.
Bisakiddwa: Musisi John
