Omuwuzi munnauganda Anna Gloria Muzito, awangulidde Uganda omudaali gwa zaabu mu mpaka z’ensi yonna eza Islamic Solidarity Games eziyindira mu kibuga Riyadh ekya Saudi Arabia.
Omudaali guno aguwangudde mu muteeko ogwa 50 meters-freestyle.
Aziwugidde obutikitiki 25 ne micro seconds 29, era nayongera ku record gyabadde nayo ne seconds 7.
Uganda mu mpaka zino yakawangula emidaali 2, nga Alfred Ojok yawangudde omudaali gw’ekikomo mu bikonde, mu buzito bwa Light Heavy Weight.
Uganda mu mpaka zino ekiikiriddwa mu mizannyo egiwerako okuli ebikonde, ,okuwuga, Wrestling, emisinde, ,okusitula obuzito, Para- Weightkifting ne Table Tennis.
Omugatte Uganda yatwala abazannyi 39 okuvuganya mu mizannyo 7, nga emizannyo gino gizannyibwa buli luvanyuma lwa myaka 4.
Bisakiddwa: Isah Kimbugwe
