Akulira ekkanisa ya ba Advent mu ggwanga Pastor Samuel Kajoba atuuziddwa ku bwa Chancellor bwa Bugema University, olwaleero nga 09 November,2025.
Atuuziddwa Omuwandiisi w’ettwale ly’advent erya East-Central Africa Division, era yeyali akulira e Kkanisa ya ba Advent mu Uganda Pastor Dr.Moses Maka Ndimukika.
Ku mukolo gw’okumutuuza era kubaddeko abatikkira ga Bugema University, kwatikkiridde abayizi 1,779 abakuguse mu bintu eby’enjawulo omuli Amawulire, Obusomesa, eddiini, tekinologiya, embeera zabantu n’ebirala.
Omukolo guyindidde ku kitebe ekikulu ekya Ssettendekero oyo ekisangibwa e Bugema.
Omusumba Samuel Kajoba afuuse chancellor ow’omusanvu owa Bugema University.
Bisakiddwa: Ssekajjiija Augustus
