Ttiimu yéggwanga eyómupiira ogwébigere eyabazannyi abatasussa myaka 17 eya Uganda Cubs, etandise bubi mu mpaka zénsi yonna eza FIFA U17 World Cup bwékubiddwa Canada goolo 2-1.
Uganda Cubs yesoose okuteeba ng’eyita mu James Bogere mu ddakiika eya 25, kyokka Canada evuddeko mabega okuwangula omupiira guno mu dakiika eye 88 ne peneti emaze eggobe mu kibya mu dakiika ezongedwamu mu dakiika 90.
Uganda Cubs mu mupiira guno etandisizza abazannyi okubadde Gilbert Mazige, Jovan Mukasa, Elvis Torach, Richard Okello, Hamuza Ssengooba, Brian Jjara, John Assimwe, Abubakali Walusimbi nabalala.
Mu kibinja kye kimu K, France ekubye Chile goolo 2-0, nga Uganda Cubs ejja kukomawo mu kisaawe nga 08 November,2025 okuzannya ne Chile ku ssaawa 9 nékitundu ezémisana.
Uganda mu mpaka zino evuganya omulundi gwayo ogusookedde ddala.
Emipiira emirala agizanyidwa America ekubye Burkina Faso goolo 1-0, Mali ekubye New Zealand goolo 3-0 némirala.
Amawanga 48 gegavuganya mu mpaka zino, era ssemazinga Africa ekikiriddwa amawanga 4.
Bisakiddwa: Issah Kimbugwe
