Ssaabasumba w’essaza ekkulu erya Kampala Paul Ssemogerere akalaatidde abazadde bulijjo okubeera mu bulamu bw’abaana baabwe, babategeere ate n’okubaggyamu okutya n’okwetya ate n’okubasigamu empisa z’obuntu.
Obubaka buno Ssaabasumba abutisse Vicar General Msgr. Gerald Kalumba, bwabadde aggulawo omusomo Gw’ennono Obuwangwa n’empisa mu lubiri e Mmengo.
Omusomo gutegekebwa Abataka abakulu b’obusolya buli mwaka.
Og’omwaka guno gutambulira ku mulamwa ogugamba nti, “Amaka y’emmererezo y’Obuntu”
Omukubiriza W’olukiiko lw’abataka Omut. Namwama Augustine Kizito Mutumba ategeezeza nti omusomo guno gwakuyamba nnyo abazadde okuzza empisa mu maka gabwe.#
