Obwakabaka bwa Buganda bukungubagidde “Omuzaana” w’Omulangira w’e Bungereza Edward l, nga ye Katherine Kent (Duchess of Kent) eyavudde mu bulamu bw’ensi ku myaka 92 egy’obukulu.
Ku lwa Buganda,Katikkiro Charles Peter Mayiga asaasidde nnyo Olulyo Olulangira olw’e Bungereza olw’okufiirwa okwo.
Omulangira Edward (Duke of Kent) ne mukyalawe omugenzi Katherine Kent, Queen Elizabeth II beyatuma okubeerawo ng’abasaale nga Buganda ne Uganda ziddizibwa obwetwaze.
Baayanirizibwa Ssekabaka Edward Muteesa II nga 8 October, 1962, Buganda lweyaddizibwa ebyayo.
Enkeera nga 09 October,1962, Uganda nayo nefuna obwetwaze, olwo bendera ya Bungereza Union Jack newanulwa ku mirongooti eya Uganda newanikibwa ng’akabonero kaamefuga.#
