Omutendera ogusooka ogw’omulimu gw’okuzimba ekisaawe kya Kyambogo University gukomekerezeddwa , era nga kyakukozesebaa mu mpaka za Africa Nations Championship CHAN ez’omwaka guno 2025.
Omutendera ogusooka ogw’okuzimba ekisaawe kino kubaddeko okusimbako omuddo ogutukana n’omutindo, okuzimbako ebisenge abazannyi gye bambalira, okuzimbako ekikomera, okutekamu entambula y’amazzi ey’omulembe ate n’okutekamu ebitaala.
Omulimu gwonna nga guwedde government egenda kusasaanya ensimbi obuwumbi 14 n’omusobyo.
Omutendera oguddako ogw’okubiri ogw’okuzimba, mulimu okuzimba ekifo kya VIP abawagizi we batuula, okuzimba office omukolerwa emirimu, okuzimbako ekisaawe kya Tennis ne Basketball, n’ekisenge ky’abasawo.
Ekisaawe kino ekye Kyambogo bye bimu bisaawe ebigenda okukozesebwa okutendekerwamu ttiimu ezigenda okwetaba mu mpaka za Africa Nations Championship CHAN ez’omwaka guno, ng’ebisaawe ebirala kuliko Wankulukuku, ekisaawe kye Namboole eky’ebweru, ne Kadiba.
Empaka za Africa Nations Championship CHAN zigenda kutegekebwa Uganda, Kenya ne Tanzania okuva 02 okutuuka nga 30 August,2025.
Uganda Cranes eri mu kibinja C ne Algeria, Guinea, Niger ne South Africa, era ekibinja kigenda kuzannya emipiira gyakyo mu kisaawe e Namboole.
Bisakiddwa: Isah Kimbugwe
