Gomba ekubiddwa omupiira ogw’okusatu ogw’okuddingana, nga Busujju egikubye goolo 2-1 e Kakindu Busujju.
Buddu yeyasooka okugikuba goolo 1-0 e Masaka, Ssese nayo negikuba 1-0 e Kabukasoke, kati Busujju ejizze mu biwundu egikubye 2 – 1.
Mu ngeri yeemu Ttiimu y’essaza Mawogola, Kyaggwe egirumbye omwayo mu kisaawe e Ssembabule n’egikubirayo goolo 2-0.
Obuwanguzi bututte Kyaggwe ku bubonero 7 ate Mawogola esigadde ku bubonero 3.
Omwami wa Kabaka atwala essaza Mawogola Muteesa John Kankaka, akunze Bannamawogola okuwagira ttiimu yabwe mungeri zonna n’okusiga obumu bajja kuwangula.
Buddu ekubye Ssese goolo 1-0 mu Kitovu Arena e Masaka, goolo eteebeddwa captain Joseph Kayondo.
Mawokota ekubye Buvuma goolo 3-0 e Buwama, Buweekula ekubye Bulemeezi goolo 3-0 e Mubende ate nga Busiro ekubye Buluuli goolo 1-0 e Ssentema.
Bisakiddwa: Isah Kimbugwe
