Omuwuwutanyi wa ttiimu y’eggwanga ey’omupiira ogw’ebigere eyabakazi eya Crested Cranes, Zainah Nandede, yegasse ku club ya Simba Queens egucangira mu liigi ya babinywera eya Tanzania.
Zainah Nandede nga ye muzannyi eyasinze okucanga endiba omwaka oguwedde 2024.
Yavudde mu club ya Kampala Queens eyawangudde liigi ya season ewedde, era nga ku nkomerero ya season yateekamu okusiibula kwe mu butongole.
Club za Misiri okuli Al Ahly ne Arab Contractors, ewamu ne club Phoenix Marrakech eya Morocco, zonna zibadde zegwanyiza omuzannyi ono.
Zainah Nandede yateebedde Kampala Queens goolo 8 n’emikisa egivamu goolo 2.
Yabadde musaale nnyo mu kuyamba Kampala Queens okuwangula liigi ya season ewedde.
Zainah Nandede okuzannyira ttiimu y’eggwanga, yatandika ne ttiimu eyabazannyi abatasusa myaka 17 n’emyaka 20 okutuuka ku Crested Cranes.
Bisakiddwa: Isah Kimbugwe
