Kampuni ya Turkey eri ku mulimu gw’okuzimba ekisaawe kye Hoima, eya SUMMA, ekinoganyiza nti omwezi ogujja ogwa Julyomulimu gw’okuzimba ekisaawe kino gugenda kuba gunyinyintidde, era gujja kuba ku bitundu 70%.
Government ya Uganda omulimu gw’okuzimba ekisaawe kino yagutekako ensimbi obuwumbi 409, nga kyatandika okuzimbibwa mu mwezi ogw’omwenda omwaka oguwedde.
Murat Altun akulira omulimu gw’okuzimba ekisaawe kino, agambye nti mu kiseera kino bali ku mutendera gw’okukisereka n’okutekamu obutebe.
Ono akinoganyiza nti okusinga omulimu guli ku kisaawe ewagenda okuzannyirwa omupiira, wabula n’emirmu emirala egigenda okukolebwa ku kisaawe kino okuli n’ebisaawe ebyemizannyo emirala gijja kuba giwedde mu mwezi gwa December omwaka guno 2025.
Ekisaawe kye Hoima bye bimu ku bisaawe ebisatu Uganda by’egenda okukozesa mu mpaka za Africa Cup of Nations ez’omwaka 2027, Uganda z’egenda okutegeka nga eri wamu ne Kenya ne Tanzania.
Ekisaawe kye Hoima nga kiwedde kigenda kuba kituuza abantu emitwalo 2, era kitudde ku acres 34.
Bisakiddwa: Isqh Kimbugwe
