Club ya KCCA enyinyintizza enteekateeka ez’okukansa omuteebi wa club ya URA, Ivan Ahimbisibwe.
Ivan Ahimbisibwe endagano ye ne club ya URA yaweddeko kunkomero ya season ewedde.
Yabadde wakubiri mu kuteeba goolo ennyingi mu Uganda Premier League season ewedde eya 2024/25 ne goolo 16, nga Allan Okello owa Vipers ye yamusinga ne goolo 19.
Ensonga ezesigika zikakasiza nti Ivan Ahimbisibwe akkiriza okuteeka omukono kundagano ya myaka 2 nga acangira KCCA endiba.
KCCA era yabadde munteseganya n’omuteebi Jude Ssemugabi, wabula ono yasazeewo kwegatta ku club ya Jumus egucangira mu liigi ya babinywera eya South Sudan.
URA nayo ebadde eyagala okwongezaayo endagano ya Ivan Ahimbisibwe wabula yasazewo kwegatta ku KCCA.
KCCA season ewedde tebyagitambulidde bulungi nakatono, era yamazeko nga tewanguddeyo kikopo kyonna, omwabadde n’okugikubira ku final ya Uganda Cup.
Bisakiddwa: Isah Kimbugwe
