Katikkiro wa Buganda Charles Peter yeyanzizza Ssaabasajja Kabaka Ronald Muwenda Mutebi II olw’Obwesigwa bwamutaddemu kko nÓkuluηηmizibwa ku nsonga ezenjawulo kati emyaka 12 ng’akutte Ddamula.
Katikkiro mu bubakabwe eri abantu ba Kabaka bwabadde ku kyemisana kwajagulizza okuweza emyaka 12 mu Butikkiro agambye nti Kalalaankoma kuva ku ntandikwa nga yaakayatula erinnyarye , abadde amuluηηamya mu ngeri eyenjawulo ekimuyambye okutambuza wofiisi eyamuweebwa.
Katikkiro agambye Ssaabasajja amubedde nnyo mu buweereza buno ebbanga lyonna.
Katikiro asoosowazza AbÓmusaayi gwa Beene bagambye nti bamuyambye nnyo okutambuza emirimu gyÉmpologoma, mungeri eyenjawulo neyeebaza abaweereza mu Bwakabaka bwonna abakola emirimu egyenjawulo okubezaawo Obwakabaka.
Yebazizza abamyukabe ne ba minister n’abakulembeze abalala baatambudde nabo mu lugendo luno olw’emyaka 12.
Abasabye nti ng’ataandika omwaka ogwe 13 enteekateeka zonna ezikoleddwa zisaanye okukuumibwa ddala n’okukuuma Obumu, mu kaweefube ow’okwongera okubugiriza Nnamulondo.
Katikkiro atongozza ekitabo “Kabaka ku Nnamulondo” ekivvuunuddwa okuva mu lulimi Olungereza “King on the Throne” kyagambye nti kyakuyambako nnyo abantu ba Kabaka Okumanya amaanyi gaabwe eri Nnamulondo.
Kamalabyonna yebazizza Abavubuka mu Bwakabaka bwa Buganda olwÁmaanyi gebatadde mu kuzza Buganda ku ntikko, nga bakola emirimu egibalagirwa Ssaabasajja ne gavumentiye.
Omukubiriza w’Olukiiko lw’Abaami b’Amasaza era nga ye Mwanyi wa Kabaka akulembera e ssaza Bulemeezi Kangaawo Omulangira Ronald Mulondo, abuulidde abantu ba Ssaabasajja ebimu ku bituukuttottodde mu myaka 12.
Mulimu; okumaliriza Masengere, okuddaabiriza embiri, okusitula ebyenjigiriza, eby’obulamu, okulambika abavubuka okwaniriza abagenyi abenjawulo ng’emu ku nteekateeka y’okuzza n’okukuuma obwasseruganda, Mmwanyi Terimba, okulabula abantu ba Kabaka mu bitundu ebyenjawulo, okutta emikago n’ebitongole ebyenjawulo, n’ebintu ebirala bingi ddala.
Omukolo guno gwetabiddwaako Nnaalinnya Dorothy Nassolo, ba minister bÓbwakabaka abaawummula nÁbakyaweereza ,ba ssenkulu bÉbitongole nÁbantu abalala
