Dr. Ken Chapman Kigozi Omusawo Omukugu mu kujjanjaba amannyo mu ddwaliro e Mengo,ng’awerekeddwako abasawo abalala e Mnengo,akiise mbuga naawoza olutabaalo olw’emyaka egisoba mu myaka 45, ng’aweereza bannauganda.
Obwakaba bwa Buganda busiimye emirimu gy’akoze awatali kwebalira.
Katikkiro wa Buganda Charles Peter Mayiga bw’abadde amusisinkanye mu Bulange e Mengo,amwebazizza olw’okujanjaba n’okusomesa bannauganda.
Katikkiro era yebazizza Dr.Ken Chapman Kigozi olw’okwagala obuwangwa bwa Buganda, ekyeyolekera mu kufaayo okuyiga olulimi oluganda obulungi ddala, saako n’okwambalanga ekkanzu ku mikolo egy’enjawulo.
Katikkiro asabye abakugu mu byobulamu mu Uganda okuyambako bannansi okufuna obujjanjabi obusukkulumu, nga babalambika ku nneyisa esaanidde, n’enkozesa y’obujjanjabi obusookerwa omuli endya ennungi, okwebaka ekimala n’ebirala.
Dr Ken Chapman Kigozi omukugu mu kujjanjaba mannyo asazeewo okudda ku butaka mu America oluvannyuma lw’emyaka egisoba mu 45 ng’ajjanjaba banna Uganda Amannyo.
Atenderezza Obwakabaka bwa Buganda olw’Okumusembeza obulungi okuviira ddala mu mwaka 1979.
Eddwaliro lye Mengo Dr.Ken Chapman Kigozi gy’abadde ajjanjabira lyasazeewo okuziimba eddwaliro ly’amannyo erigenda okumubbulwamu amannya, olw’okumusiima olw’emirimu gyakoze.
