Government esabiddwa okuddamu okuwagira ebibiina ebizannya katemba, okuzannya emizannyo egisomesa kukulwanyisa obulwadde bwa siriimu.
Enkola eno yakyaka nnyo mu myaka gye 90 ne 2000, ng’ebibiina byabanakatemba bingi byazannyanga emizannyo mwebasomesezezanga abantu kubikwata ku kirwadde kya siriimu kattira.
Okusaba kuno kukoleddwa omu kubatandisi b’ekitongole kya TASO Noelina Wanyana Kaleeba, abadde mukusaba okwokujjukira omugenzi Christopher Kaleeba Ssembajjwe, eyavaayo n’ekirowoozo kyokutandika ekitongole kino mu myaka gye kinaana okubudaabuda abaali batawaanyizibwa ekirwadde kya siriimu.
Noelina Kaleeba mu ngeri yeemu asabye aba minisitule y’ekikula ky’abantu mu ggwanga okuddamu okuvujjirira ebitongole ebiri kuddimu ly’okulwanyisa obulwadde buno nga tebeesigamye kubagabi babuyambi
Rev. Fr Herman Zziwa chaplain wa University ye Nkumba akulembeddemu emisa y’okusabira omugenzi Christopher Kaleeba Ssembajwe ku kyalo Zziiru mu town council ye Kajjansi, asoomozezza bannauganda abesuliddeyo ogwanagamba kunsonga yokulabirira abiggya byabakadde babwe, nti basaanye bekube mu kifuba.
Ssabasajja Kabaka azze akubiriza abantu be okwerinda ekirwadde kya Siriimu, bwetunatuukira mu mwaka gwa 2030 nga kituuriddwa ku nfeete.
Bisakiddwa: Tonny Ngabo
