Police ekakasizza nti abantu 40 bebaakwatiddwa police n’amagye, ng’egamba nti baakwatiddwa nga bambadde obukoofiira obumyufu obutakkirizibwa mu mateeka.
Abantu 40 bakwatiddwa ku luguudo lw’Entebbe bwebaabadde bagenda okwaniriza president wa National Unity Platform Robert Kyagulanyi Ssentamu Bobi Wine bweyabadde ava e South Africa.
Kyagulanyi yagidde mu nnyonyi ya RwandaAir wabula ab’ebyokwerinda tebamulinze kufuluma bweru nebamuwalabanya okutuuka mu mmotoka eyabadde erinze nebamuvuga okutuuka mu maka ge e Magere Kasangati mu Kyadondo.
Omwogezi wa police Fred Enanga agambye nti abakwate 40 batwalibwa mu kooti bavunaanibwe okusangibwa n’ebintu byebatasaanye kubeera nabyo.#
